Samband íslenskra námsmanna erlendis

Sviss

 

Umsóknarfrestur og umsóknarmáti

 

                Skólaárið er frá október til júlí. Vetrarmisseri er frá miðjum október fram í byrjun mars og sumarmisseri frá miðjum apríl fram í miðjan júlí. Umsóknarfrestur er yfirleitt 1. júní fyrir vetrarmisseri, en flestir eru teknir inn að hausti. Best er að skrifa til skólanna og biðja um upplýsingar og umsóknareyðublöð með góðum fyrirvara.

 

                Rétt er að leita upplýsinga hjá viðkomandi háskóla. Sótt er um skriflega beint til háskólanna og neðangreind skjöl þurfa alltaf að fylgja með:

 

-          afrit af stúdentsprófsskírteini

-          upplýsingar um nám sem lokið er í háskóla (ef við á)

-          nákvæmar upplýsingar um aldur, nám og störf.

 

 

Skólakerfi og inntökuskilyrði

 

                Æðri menntun í Sviss fer fram í háskólum, tækniskólum (ingenieur ETH) og „Höhere Technische Lehranstalt“ (ingenieur HTL). Til að komast í þá síðastnefndu þarf ekki stúdentspróf en umsækjandi þarf að hafa verið á starfssamningi í faginu í fjögur ár.

 

                Inn í háskólana og tækniskólana þarf stúdentspróf. Einnig þurfa nemendur að hafa náð 18 ára aldri og hafa gott vald á viðkomandi tungumáli. Flestir háskólar krefjast inntökuprófs í því máli sem kennt er á (þýska, franska).

 

                Háskólar geta krafist þess að umsækjandi taki inntökupróf sem fer fram í byrjun hvers misseris við háskólann í Fribourg. Hægt er að sækja sérstök undirbúningsnámskeið við skólann. Nánari upplýsingar er hægt að fá með því að skrifa til Cours d’Introduction aux Études Universitaires en Suisse (sjá heimilisfang hér að neðan).

 

Íslendingar hafa sótt nokkuð í þá ferðamannaskóla sem kenna á ensku. Til að komast inn í þá þarf tveggja ára nám eftir skyldunám, starfsreynsla í faginu er metin og einnig þarf góða enskukunnáttu. Auk þessara skóla eru margir skólar innan svissneska hótelskólasambandsins sem kenna annað hvort á þýsku eða frönsku og er stúdentsprófs krafist í suma þeirra.

 

Fyrsta prófgráða úr háskóla nefnist „Lizentiat“ eða „Diplom “og tekur námið 3-6 ár.

 

               

 

Skólagjöld

 

                Í ríkisreknum skólum eru ekki bein skólagjöld, einungis innritunargjöld og geta þau verið á bilinu 50-100 þúsund iskr. Upplýsingar um styrki til framhaldsnáms er hægt að fá hjá The Federal Commission for Scholarships for Foreign Students (sjá heimilisfangalista). Skólar sem kenna ferðamálafræði og hótelstjórn eru oft einkaskólar og þar eru skólagjöld há.

 

Tungumálið

Í Sviss eru töluð fjögur tungumál: þýska, franska, ítalska og retórómanska. Í háskólunum er kennt á frönsku, þýsku eða ítölsku og fer það eftir staðsetningu skólanna. Sumir skólar krefjast tungumálaprófa. Utan skólans ætti að vera hægt að bjarga sér á ensku, þó að skólarnir séu í franska hluta Sviss.

 

Skráning í landið

 

                Til að fá dvalarleyfi þarf að snúa sér til útlendingaeftirlisins þegar út er komið og framvísa ýmsum skjölum. Þess má geta að fulltrúi frá útlendingaeftirlitinu er oft á staðnum við innritun í háskóla. Skjölin sem þarf að framvísa eru:

-          vegabréf

-          staðfesting um inntöku frá svissneskum háskóla

-          staðfestingu um að viðkomandi geti staðið undir kostnaði við námið, t.d. fjármálavottorð frá LÍN.

-          staðfestingu á heimilisfangi í Sviss

 

Best er að kynna sér þessi mál rækilega áður en haldið er út. Til dæmis er ekki sjálfgefið að maki og/eða börn fái dvalarleyfi með námsmanni. Dvalarleyfi er ekki atvinnuleyfi en slíkt leyfi er mjög erfitt að fá í Sviss.

 

Húsnæði

 

Eitthvað er um stúdentagarða en skólarnir sjálfir vita best hvar hægt er að sækjast eftir húsnæði. Skrifið því út til skólanna og biðjið um slíkar upplýsingar. Gott er ef hægt er að athuga með húsnæði á staðnum og tekur þá yfirleitt styttri tíma að finna það.

 

Félagslegar aðstæður

 

Allir námsmenn í Sviss þurfa á einhverskonar tryggingu að halda. Tryggingastofnun ríkisins getur gefið út vottorð um tryggingu námsmannsins hjá þeim. Skilyrði fyrir slíku vottorði er að námsmaður hafi lögheimili á Íslandi. Athugið að sækja þarf um vottorðið árlega. Hafi námsmaður ekki lögheimili á Íslandi þarf hann að kaupa sér tryggingu. Stundum bjóða skólar upp á ódýrar tryggingar fyrir námsmenn. Sjá nánar kaflann um tryggingamál námsmanna erlendis.

                Barnagæsla er ekki mikil í tengslum við svissneska háskóla en líkt og með húsnæðismálin er best að biðja viðkomandi skóla um upplýsingar um dagvistun.

 

Mikilvægt varðandi LÍN

Veitt er lán til undirbúningsnáms í tungumálinu í eitt misseri (tvo fjórðunga þar sem það á við) en athugið að lánið er bundið því skilyrði að áframhaldandi nám verði stundað í Sviss. Skilyrði fyrir útborgun lánsins er að vottorði um inngöngu í áframhaldandi nám sé skilað inn til lánasjóðsins.

 

 

Frekari upplýsingar

 

 

Upplýsingastofa um Nám erlendis.

 

 

Ræðismaður Sviss á Íslandi.

 

Einnig reynir SÍNE að vera hjálplegt við að finna tengiliði í þeim skólum eða á þeim stað sem námsmaður hefur áhuga á. 

 

 

Vefföng

 

 

Heimasíða SÍNE:

http://www.sine.is

Upplýsingar um skóla í Sviss:

http://www.worldwide.edu/ci/switzerland/index.html

 

Heimilisföng

 

 

• SÍNE, Pósthússtræti 3-5, 101 Reykjavík. Sími: 552 5315. Netfang: sine@sine.is.

• Upplýsingastofa um nám erlendis, Neshaga 16, 107 Reykjavík. Sími: 525 4586, fax: 525 5850. Netfang: ask@hi.is.

 

• Sendiráðið í Bonn, Þýskalandi annast sendiráðsstörfin.

 

• Ræðismaður Sviss á Íslandi: Jóhanna Vigdís Hjaltadóttir, Laugavegur 13, 101 Reykjavík. Sími: 551 7172, fax: 551 7179.

 

• Sendiráð Sviss, Bygdøy Allé 78, 0244 Olso. Sími: 2243 0590, fax: 2244 6350.

 

• Ræðismaður Íslands í Bern: Ulrich Hirt, Münzgraben 6, 3000 Bern 7, Postfach 267. Sími: (31) 311 1645, fax: (31) 311 2531.

 

• Aðalræðismaður Íslands í Genf: Roland Niklaus, 8 rue du Mont-de-Sion, 1206 Genève. Sími: (22) 703 5656, fax: (22) 703 5666.

 

• Ræðismaður Íslands í Zürich: Dr. Georg R. Wiederkehr, Bahnhofstrasse 44, Postfach 6040 CH-8023 Zürich. Sími: (1) 215 1260, fax: (1) 215 1200.

 

• Cours d’Introduction aux études Universitaires en Suisse, Route du Jura, CH-1700 Fribourg. Sími: (26) 322 7623, fax: (26) 322 6703.

 

• The Federal Commission for Scolarships for Foreign Students, Hallwylstrasse 4, CH-3003 Berne. Sími: (21) 323 2676, fax: (21) 3132 33020.

 

• SBZ, Studien-und Berufsberatung des Kanton Zürich, Information und Beratung für Mittelschüler und Studenten, Hirschengraben 28, 8090 Zürich 1. Sími: (1) 261 5020, fax: (1) 262 0833.

 

• Schweizerische Zentralstelle für Hochschulvesen, Office Central Universitaire Suisse, Seidenweg 68, 3012 Bern. Sími: (31) 306 6045, fax: (31) 302 6811.

 

• Svissneska verslunarráðið, Swiss Office for Development of Trade, Stampfenbachstrasse 85, CH-8035 Zürich. Sími: (1) 365 5422.

 

• H.I.M. Hotel Institute for Management, Hotel Europe, 15 Avenue des Alpes, CH-1820 Montreux. Sími: (21) 963 7404, fax: (21) 963 8016.

 

• Flugleiðir Zürich: Industrie Nord 9, 5634 Merenschwand. Sími: (56) 67 57 555,  fax: (56) 67 57 556. Netfang: eurep@fluehmannag.ch.